موضوع: عانس غزّاوية بتختلف عن عانس لبنانية 25/09/09, 10:32 am
في مثل كنت دايما بسمعه من ستي ، هاي ستي اللي ماتت وهاد المثل بيقول :” فاتها القطار” ، وعلى علمي هاد المثل بينحكي لمّا البنت تكبر في العمر وما تتزوج يعني بالعربي لمّا ” تعنس” ، اللي بدي أحكي عنه ظاهرة مش بس موجودة بغزة ، بل بكل مكان وبكل دولة ، بس مكان عن مكان بيختلف ، وفكر عن فكر كمان بيختلف ، يعني بمعنى إنه ” عانس أجنبية” بتختلف عن ” عانس عربية” ،” وعانس غزّاوية” بتختلف عن ” عانس لبنانية” مثلا ، يعني حسب المكان والفكر.
هلأ بدي أتناول وضع البنت الغزاوية لمّا ما يجي نصيبها ، وكيف إنو الناس بتسير تنظر الها نظرة ” الشفقة” ، وكيف كمان إذا صار عمرها بس 25 فما فوق ” بتعتّق” وبتسير ” غير صالحة للإستعمال” ، طبعا هاد مش وجهة نظري أنا هاي ، وجهة نظر كتير ناس بغزة وأنا ” ما بعمم” ولكن الأغلبية العظمى بتفكر بهاي الطريقة ، والبنت المسكينة يا حرام بتكون مضغوطة نفسياً بسبب هاي الأفكار كمان ” البلهاء” .
المهم ، غزة والظواهر المتخلفة الموجودة فيها كتيرة وما بتنتهي ، ومن بين هالظواهر ظاهرة “العنوسة” ، اللي ما بعرف ليش أصلا احنا بنستخدم هيك مصطلح ” مُقرف” ويدفع ” للتقيؤ” ، يعني بس لو يسير عمر البنت 24 وقعتها سودة ، بتسير تفكر متى بدي أتزوج ، يا رب ابعتلي عريس.. ليش؟ هو انتي بتعنسي والشب يعني ما بيعنس؟ هو يعني على راسه ريشة ولا على راسه ريشة؟
ويا حبيبي على النسوان ، ما بيخلن حدا من شرهن ، وهمة يحكوا عن البنت وبيسيرو يطلعوا مبررات ليش لهلأ ما تزوجت ، ومن بين هالمبررات هاي : “يمكن عاملالها عملة” ، يعني شوفو التفكير السطحي والمتخلف لوين؟ فسروا تأخر زاوج البنت بإنو عاملة عملة ، وفي كمان بعض النسوان بيحكوا إنه : ” بشعة كتير.. مين بدو يطلّع فيها؟ “.. ايش هالهبل هاد؟ لإيمتا بدنا نضل هيك؟ ليش احنا ما نغيّر هالمصطلح ” المخزي” ليش ما نخلي الامر عادي لو انو البنت ما تزوجت؟ ضروري نحكس عنها عانس؟
بالمناسبة.. أنا زي ما قلت ما بعمم ، بس هاي موجودة بغزة بشكل كبير كتير وزي ما حكيت الأغلبية العظمى هيك بتفكر ، وأنا لمّا حكيت عن هيك ظاهرة حبيت أنو أحاول أغيّر نوعا ما ، مع إنه متأكدة انو التخلف عمره ما بيتصلح ، والهبل بيضل هبل لو شو ما حكينا ، لإنه احنا رافضين نغير وحابين نضل غاطسين ” بالعته”.
بدي أسأل : ليش البنت لما ما يجي نصيبها بيحكوا عنها عانس ؟ لكن لما الشب ما يتزوج ويتأخر بالزواج ما بيحكوا عنه عانس؟؟.. حدا يجاوبني
فارس الظلام .:. مـشــرف/ـة مـنـتـــدى .:.
الجنس : السٌّمعَة : 5 العمر : 35 عدد المساهمات : 209 تاريخ التسجيل : 16/08/2009
موضوع: رد: عانس غزّاوية بتختلف عن عانس لبنانية 26/09/09, 10:39 am
مشكوووووووور اخى خالد على الموضوع الجميل
ردأ على سؤالك لماذا يقولون عن البنت عانس عندما تكبر والرجل لا يقولونة حسب اعتقادى انة البنت اذا لم تتزوج لعمر ما تكون من الصعب ان تجد زوج لها عكس الرجل
فالرجل يصل عمر كبير ويتزوج والبنت تكون من الصعب لان الرجال يفضلون البنت الصغير وليست الكبيرة العمر
تقبل تحياتى ومرورى
فلسطيني وافتخر .:. مـشــرف/ـة مـنـتـــدى .:.
الجنس : السٌّمعَة : 4 العمر : 35 عدد المساهمات : 240 تاريخ التسجيل : 29/08/2009
موضوع: رد: عانس غزّاوية بتختلف عن عانس لبنانية 28/09/09, 03:33 am
مشكور اخي على ردك وفعلن معاك حق في الي قولتو هادامجتمعنا وهيك وبيفكر وهادي عقليتة شكرا لك اخي اخوك الفلسطيني عاشق الاحزان [ندعوك للتسجيل في المنتدى أو التعريف بنفسك لمعاينة هذه الصورة]
العقرب .:. المشــرف الـعــــام .:.
الجنس : السٌّمعَة : 13 العمر : 38 عدد المساهمات : 476 تاريخ التسجيل : 24/08/2009
ا
